Борбордук Азиядагы Америка Университети - БААУ - “Brain Ring”” оюну

“Brain Ring”” оюну

Кыргыз Республикасынын аймактарындагы жана Бишкек шаарындагы орто билим берүүчү мектептердин жогорку класстарынын окуучулары арасындагы БААУ Кубогу үчүн “Брэйн Ринг” оюнунун жазгы турнирин өткөрүү

Жобосу

 

 

Борбордук Азиядагы Америка университети Кыргыз Республикасынын аймактарындагы жана Бишкек шаарындагы орто билим берүүчү мектептердин жогорку класстарынын окуучулары арасындагы “Брэйн Ринг” оюнунун жазгы турнирин өткөрөт.

Республикадагы мектептердин жогорку класс окуучулары менен байланыш түзүү, окуучулардын дүйнөлүк жана америкалык маданият жана тарых менен таанышуусу, ошондой эле университетти таанытуу бул иш-чаранын башкы максаттары болуп саналат.

 

  1. Коюлган милдеттер жана максаттар
    • Мектеп окуучуларынын университеттерге тапшырууга даярдоо, интеллектуалдык машыктыруу;
    • Мектептердин мыкты бүтүрүүчүлөрүн аныктоо, аларды Борбордук Азиядагы Америка университетине тартуу боюнча иш жүргүзүү;
    • Борбордук Азиядагы Америка университетине студенттерди кабыл алуу ишине жаңычыл мамиле кылуу менен университеттин кыйыр жарнамасын жүргүзүү.
    • Финансылык колдоо көрсөтүү аркылуу Борбордук Азиядагы Америка университетине тартуу максаты менен эң мыкты мектеп бүтүрүүчүлөрүн аныктоо.

 

  1. Жалпы жоболор
    • “Брэйн Ринг” оюну эки топ арасында интеллектуалдык мелдешти билдирет;
    • БААУ Кубогу үчүн “Брэйн Ринг” оюну Кыргызстандын мектеп окуучулары арасында (КР жарандары үчүн гана) жылына бир жолу жаз айларында өткөрүлөт;
    • Оюнга Кыргыз Республикасынын 11-класстагы мектеп окуучулары катышат (КР жарандары гана);
    • БААУ “Брэйн Ринг” оюнун уюштуруу, өткөрүү, жеңүүчүлөргө сыйлык берүү боюнча өзүнө толук жоопкерчиликти алат;
    • Оюн жөнүндө маалыматтарды БААУ расмий сайтынан жана социалдык тармактардан алса болот. Ошондой эле КР Билим берүү жана илим министрлигине, Орто билим берүүнү башкаруу боюнча Бишкек шаардык департаментине да маалыматтар берилет.

 

  1. Топтор, катышуучулар жана мөөнөттөр
    • Окуу жылы ичинде 11-класстагы мектеп окуучулары тест сынагын тапшырышат;
    • Тест сынагы Борбордук Азиядагы Америка университетинде өткөрүлөт.
    • Тест сынагынын мөөнөттөрү: 1-тур – 1-сентябрдан 20-декабрга чейин; 2-тур – 10-январдан 30-мартка чейин;
    • “Брэйн Ринг” оюнунун финалына тест сынагынын жыйынтыктары боюнча эң мыкты 8 мектептин өкүлдөрү катышат. Ар бир топко бештен оюнчу кирет;
    • Мындан сырткары, тест сынагынын жыйынтыгы боюнча 50 мыкты өздүк жыйынтыкты көрсөткөн жогорку класстагы 50 мектеп окуучусу да чакырылат. Алар көрөрмандар менен болгон интерактивдик интеллектуалдык оюндарга катышат;
    • Ар бир топ беш кишиден турат. Топ капитанды шайлайт;
    • Оюнга катышкан ар бир топ өзүнүн эн белгисине ээ болушу зарыл. Белги катары катышуучулардын бирдей кийими же кийим түрү (жоолук, баш кийим ж.б.);
    • Топтор оюндун өткөрүлүш жерине жараша 10 же андан ашуун күйөрмандарын чакырууга укуктуу.

 

  1. Оюнду өткөрүү жана бул үчүн жооптуулар
    • Кабыл алуу кеңсеси (катышуучулардын алдын ала тест сынагынын өткөрүү үчүн жооптуу, ошондой эле Студенттер кеңсеси менен ыктыярдуу жардамчы студенттерди башкарат);
    • Студенттер кеңсеси (Финалдык оюнду уюштурат жана өткөрөт);
    • Академиялык багыттар (Финалдык оюн үчүн суроолорду сунушташат);
    • Студенттердин окуудан сырткары ишмердиги боюнча декан финалдык оюндун уюштурулушуна жана өткөрүлүшүнө жооп берет. Ошондой эле ал суроолордун акыркы тизмесинин түзүлүшүнө жооптуу болуп саналат жана оюндун башталышынын алдында ичинде суроолору болгон, чапталган конвертти ачат (мындайча, башка кишилер аркылуу суроолордун акыркы тизмеси боюнча маалыматтардын сызып чыгуу ыктымалдуулугу жоюлат).

 

  1. Финалдык оюнду өткөрүү эрежелери жана шарттары
    • Оюндар “плэй-офф” системасы боюнча өткөрүлөт.
    • “Брейн Ринг” оюнуна 8 топ катышат, ар биринде бештен оюнчу болот. Бир айлампада эки топ бирге ойнойт;
    • Финалисттер ¼-финал, ½-финал жана финалды өткөрүү менен аныкталат. Финалдык оюнда жеңүүчүлөр аныкталат;
    • Атаандаштар чучукулак аркылуу аныкталат. Чучукулак тартууга капитандар катышат;
    • Оюн 4 упайга чейин уланат (жарым финалда – 5, финалда - 6); 4/5/6 упайды биринчи топтогон топ кийинки айлампага өтөт;
    • Берилген суроону талкуулоо үчүн 1 мүнөт убакыт берилет. Жообу даяр болгон топ белги бериши керек. Жарык лампасын күйгүзүү белги болуп саналат (лампаны колдонуу боюнча инструкция оюн жеринде берилет);
    • Лампаны биринчи күйгүзгөн топ берилген суроого жооп берет. Жооп туура эмес болсо, же фальстарт абалында жооп берүү укугу атаандаш топко берилет жана суроону талкуулоо үчүн 20 секунда берилет;
    • Эгерде эки топ тең суроого туура эмес жооп берсе – кийинки суроо 2 упайга барабар болот, буга да жаңылыш жооп берилсе – 3 упай, ж.у.с. улана берет;
    • Сахнадагы оюнчулар жооп таба албаган суроолор көрөрмандарга берилет. Бул суроолорго сахнада ойнобогон башка топтордун оюнчулары жана жеке чакыруу алган мектеп окуучулары жооп бере алат. Булардын орундары башка көрөрмандардан буфердик аралык менен бөлүнгөн. Ар бир катышуучунун үч өздүк картасы болот (демек, оюнга үч жолу катыша алат), аларга жоопторун жазат. Туура жооп берилгенде 1 өздүк упайга жана кошумча картага, башкача айтканда жооп берүү укугуна ээ болот. Жооп туура эмес болсо катышуучу картасынан (б.а. бир жооп берүү укугунан) ажырап калат. Картаны толтурууга 20 секунда берилет;
    • Карталарды ыктыярчылар чогултат. Эгерде ыктыярчы калыстар көрөрмандардын суроого жооп берүүгө жардам бергенин байкап калышса, көрөрман залдан чыгарылат, суроо оюндан алынып ташталат;
    • Эң көп упай топтогон 6 көрөрман катышуучу сахнага финалдык оюнга чакырылат. Калган 6 оюнчу “Брейн Рингдин” жыйынтыгы боюнча аныкталат. Финалга чыккан топтон экиден, жарым финалда жеңилген топтордон бирден оюнчу чыгат (топ туура жооп берген сайын Ареопаг ыктыярчылардын жардамы менен туура жоопту берген оюнчуну аныктайт. Бул ыкма топ мүчөлөрүнүн арасынан финалга чыкчу оюнчуларды тандоодо негизги критерий болуп саналат. Ареопаг финалдык оюндун 6 оюнчусун жогоруда айтылган критерий боюнча аныктайт);
    • Финалдык оюнда 12 оюнчу ат салышат. Ар бир туура жооп үчүн катышуучу кезектеги жолго кадам шилтөө укугуна ээ болот (ареопаг ким биринчи кол көтөргөн принциби боюнча жооп бергенди аныктайт). Жалпы 6 жол бар. Жооп туура эмес болгон учурда оюнчу артка кадам шилтейт. Акыркы жолдо эки жолу жаңылыш жоо берилсе оюнчу оюндан четтелет;
    • Алтынчы, кызыл жолго ким биринчи жетсе, ошол оюндун жеңүүчүсү деп эсептелет. Ушул эле эреже менен экинчи, үчүнчү орундар аныкталат.

 

  1. Байкоо комиссиясы (ареопаг)
    • 7ден кем эмес кишиден түзүлгөн байкоо комиссиясы окутуучулардан, кабыл алуу, финансылык колдоо, окуудан сырткары ишмердик кеңселеринин кызматкерлеринен жана студенттик кеңештин өкүлүнөн топтолот;
    • БААУ Президенти Ареопагдын түзүмүн бекитет;
    • Ареопаг тандоо турларынын жеңүүчүлөрүн бекитет жана оюн жеңүүчүлөрүн аныктайт;
    • Талаштуу учурларда (фальстарт, жооптун тууралыгы/жаңылыштыгы, ж.б.) акыркы чечимди чыгаруу Ареопагга таандык;
    • Оюн бүтүп, Ареопаг анын жыйынтыктарын бекиткенден кийин катышуучулардын эч кандай нааразылыктары, каршылыктары кабыл алынбайт жана оюндун жыйынтыгына таасир бербейт.

 

  1. Сыйлык
    • Ар бир топ Борбордук Азиядагы Америка университетинин “Брейн Ринг” оюнуна катышкандыгы тууралуу сертификатын алат;
    • Оюнду жеңген топ “БААУ Брейн Ринг Жеңүүчүсү” кубогуна жана тийиштүү дипломуна ээ болот4
    • Экинчи орунду алган топ “Вице-чемпион” чакан кубогу жана диплом менен сыйланат;
    • Башкы Өздүк Финалга кирген катышуучулар (12) финалисттердин сертификатына ээ болушат;
    • Өздүк Финалдык Айлампанын жеңүүчүлөрү ысымдуу сертификаттарды алышат. Жеңүүчүлөр Борбордук Азиядагы Америка университетине тапшыра турган болушса бул сертификаттар аларга төмөндөгү кепилдиктерди берет:

3-орун: Борбордук Азиядагы Америка университетинде 8 окуу семестри үчүн төлөмгө 100% арзандатуу

2-орун: Борбордук Азиядагы Америка университетинде 8 окуу семестри үчүн төлөмгө 100% арзандатуу

1-орун: Борбордук Азиядагы Америка университетинде 8 окуу семестри үчүн төлөмгө 100% арзандатуу

Негизги шарт: окуу мөөнөтү боюнча алардын GPA (жалпы орточо упайы) 3,2ден кем болбошу керек.

Стипендияны алуу шарттарынын толук тизмесин финансылык колдоо кеңсесинен алса болот.

Эскертүү:

Алдын ала тест сынагы боюнча суроолор менен:                                                         БААУ Кабыл алуу кеңсесине 66-10-89 телефон номери боюнча кайрылыңыз.

Финалдык оюнду уюштуруу жана өткөрүү боюнча суроолор менен: БААУ Студенттер Кеңсесине 66-35-26 телефону номери боюнча кайрылыңыз.

БААУ Президенти бул Жобону бекиткенден кийин, Жобо БААУ сайтына жайгаштырылат. Бардык каалоочулар бул Жобо менен тааныша алат.

Борбордук Азиядагы Америка университети
Аалы Токомбаев көчөсү 7/6
Бишкек, Кыргыз Республикасы 720060

Тел.: +996 (312) 915000 + ички.
Факс: +996 (312) 915 028