Тимоти О' Коннор

Доктор Тимоти Эдвард О'Коннор Борбордук Азиядагы Америка университетинин (БААУ) жаңы президенти болуп дайындалды. Доктор О'Коннор академиялык жана административдик лидерлик боюнча белгилүү карьерага ээ, анын ичинде 30 жылдан ашуун окутуу тажрыйбасы бар, анын 20 жылы Түндүк Айова университетинде тарых профессору болуп иштеген. 12 жылдан ашуун убакыт бою ал Москвадагы МИСИС Улуттук Илим жана технология университетинин академиялык иштер боюнча проректору болуп иштеген.

Ал бул кызматтарда негизинен университеттин трансформациясына жооптуу болгон, анын ичинде бир катар билим берүү программалары үчүн эл аралык аккредитацияларды ишке ашырган; материал таануу, металлургия жана тоо-кен өнөр жайы боюнча өнөр жай өнөктөштөрү менен келечекти пландаштырган; жаңы Окуу жана Окутуу Борборун түзгөн; Студенттик Саякат жана Окутуучунун Саякаты долбоорлорун иштеп чыккан жана стратегиялык өнүгүү боюнча сырткы экспертиза үчүн Эл аралык Илимий Кеңешти түзгөн. Ошондой эле ал 2013-2020-жылдары Россиянын академиялык чеберчиликти жогорулатуу боюнча улуттук демилгеси (5-100 долбоору) боюнча университеттин катышуусун жетектеген. Ал алты китептин жана ондогон макалалардын жана башка жарыяланмалардын автору.

"Мен үчүн Борбордук Азиядагы Америка университетин ушул маанилүү учурда жетектөө мүмкүнчүлүгү чоң сыймык. БААУ академиялык эркиндикти жайылтат жана ар түрдүү жашоо тажрыйбасы бар адамдарга жана ар кандай дүйнө таанымдарга ээ студенттерге биргелешкен аянтча сунуштайт, аларды өмүр бою билим алуу, жалпы жыргалчылыкка кызмат кылуу жана келечек муундардын бакубат жашоосу үчүн туруктуу өнүгүүгө умтулуу бириктирет. Алдыңкы айларда жана жылдарда университеттин мыкты окутуучулары жана кызматкерлери менен иштешүүнү, ошондой эле студенттер менен тыгыз байланышта болууну чыдамсыздык менен күтүүдөмүн."  

 

 — Д-р. Тимоти О'Коннор

БААУнун Президенти

Доктор О'Коннор бакалавр даражасын Крейгтон университетинен алып, Тарых жана Теология боюнча адистешкен. Ал эми PhD даражасын Миннесота университетинен алган, анда ал негизинен Орусияны изилдөөгө, атап айтканда, Советтик Орусиянын тарыхына көңүл бурган. Бир нече ондогон жылдар бою Түндүк Айова университетинде (UNI) адегенде ага окутуучу, доцент жана тарых кафедрасында профессор, андан кийин эл аралык программалардын директору болуп иштеген. Ал 2012-жылы Түндүк Айова университетинин Тарых боюнча эмиритус-профессору болгон.

Доктор О'Коннор алгач 1975-жылы ошол кездеги Советтер Союзуна барып, кырк сегиз жылдан бери советтик жана постсоветтик жогорку окуу жайлары менен байланышта болгон. Бул тажрыйбанын көпчүлүгү анын Америкалык Кеңештер (American Councils for International Education: ACTR/ACCELS) уюму менен узакка созулган кызматташтыгынан келип чыгат. Бул уюм 1970-жылдардын ортосунда Америкалыктар үчүн чет өлкөдө тил үйрөнүү жана башка маданияттарды үйрөнүүнү өнүктүрүү, ошондой эле дүйнө жүзүндөгү студенттерге жана окумуштууларга АКШда билим алуу жана изилдөө мүмкүнчүлүктөрүн берүү максатында түзүлгөн.

Доктор О'Коннордун дайындалышын жарыялоо учурунда, БААУнун Камкорчулар кеңешинин төрагасы Дэвид Лахдир мындай деп билдирди:

 

"Биз профессор О'Коннордун Борбордук Азиядагы Америка университетинин президенти болууга макул болгонуна абдан кубанычтабыз. Анын профессор жана администратор катары таасирдүү тажрыйбасы, ошондой эле эл аралык билим берүүгө өмүр бою берилгендиги, далилденген лидерлик сапаттары жана университеттин миссиясын алдыга жылдырууга болгон терең умтулуусу менен айкалышкан кызыктуу комбинацияны алып келет."  

- Дэвид Лахдир
БААУнун Камкорчулар кеңешинин төрагасы

Бард Колледжинин президенти Леон Ботштейн мындай деди:

"Доктор О'Коннор билим берүүгө чындап берилген окутуучу жана эркин өнөр жана илимдер билим берүүсүнүн жигердүү колдоочусу. Анын эл аралык билим берүү жаатындагы ишмердүүлүгү өзгөчө айырмаланат. Биз аны БААУ үчүн эң сонун толуктоо катары көрөбүз жана БААУ менен Бард Колледжинин ортосундагы өнөктөштүктү мындан ары дагы тереңдетүүнү чыдамсыздык менен күтүп жатабыз."

- Леон Монтштейн
Бард Колледжинин президенти

Д-р. О’Коннор 2021-жылдан бери БААУнун президенти болуп иштеп келе жаткан Бард Колледжинин аткаруучу вице-президенти жана академиялык иштер боюнча вице-президенти Д-р. Джонатан Бекердин ордуна келет. Д-р. Бекер БААУнун Камкорчулар кеңешинин мүчөсү катары уюмдун ишине активдүү катыша берет.

Мен Тимди жыйырма жылдан бери тааныйм жана анын БААУнун президенттигине эң жакшы тандоо экенине ишенем. Ал тажрыйбалуу администратор болуп, Америка Кошмо Штаттарында жана Россияда жогорку академиялык кызматтарды ээлеген, жана эл аралык билим берүү ишине берилген инсан. Анын тажрыйбасы жана билим берүүнүн трансформациялык күчүнө ишеними аны БААУ түзүп келген ийгиликтерди улантууга даярдайт.

Д-р. Джонатан Бекер

БААУнун мурунку президенти, Камкорчулар кеңешинин мүчөсү

Д-р. О’Коннор үй-бүлөлүү, төрт баласы жана беш небереси бар.

Бул жерден байланыш маалыматын таба аласыз >>>