БАЙЛАНЫШ

Доктор Айжана Джумалиева Борбордук Азиядагы Америка университетинин “Журналистика жана массалык коммуникациялар” факультетинин деканы жана ага окутуучусу. Ал бизнести башкаруу адистиги боюнча докторлук даражасын Россия Президентинин алдындагы эл чарба жана мамлекеттик башкаруу академиясынан (RANEPA) алган (2023, Россия). Ошондой эле Борбордук Азиядагы Америка университетинде (2013, Кыргызстан) бизнести башкаруу магистрине ээ болуп, (MBA) Кыргызстан эл аралык университетинде жогорку билим даражасын артыкчылык менен алган (2006, Кыргызстан). 

Доктор Джумалиева БААУга 2016-жылы ишке орношуп, Ишкерлик жана бизнести башкаруу мектебинин (SEBA) жетекчиси болуп кызмат аткарган (2019-2020). Ошону менен катар Аткаруу комитетинин мүчөсү, Академиялык сенаттын Апелляциялык комиссиясынын мүчөсү (2019) болуп, 2018-2019-жылдары  жана 2021-жылдан бүгүнкү күнгө чейин “Журналистика” адистиги боюнча магистратура программасынын деканы болуп эмгектенип келет.

Доктор Джумалиева өзүнүн төрагалык милдетинен жана студенттер менен профессордук-окутуучулук курамы үчүн окуу пландарын иштеп чыгуудан тышкары, глобалдык Ачык Коом университеттер тармагында БААУнун медиа сабаттуулук курсунун жетектөөчү адисти болгон. Ошондой эле Аризона мамлекеттик университети, Аль-Кудс Бард жана БААУ менен өнөктөштүктө ишке ашкан жана бардык Ачык Коом университеттеринин тармагына кирген өлкөлөрдө колдонуу үчүн Медиа сабаттуулук, маалымат жана коммуникациялар боюнча онлайн курстарды иштеп чыгып, пилоттук түрдө ишке ашырып келген. Мындан тышкары, Айжан Көз карандысыз журналистика программасы менен биргеликте журналисттер үчүн эл аралык долбоорду жетектейт жана “Борбордук Азия журналистикасынын жайкы институтунун” (CAJSI) окуу планынын директору жана Ооганстандан келген студенттер үчүн медиа стипендиалык программасынын директору болуп иштеп келет. Ал "Кыргызстанда үмүт табуу: Ооганстандагы талибдердин башкаруусунун бир жылы" аттуу китептин автору.

Доктор Джумалиева Ачык Коом университеттеринин тармагынын алдындагы Глодалдык коомчулук уюмунун консультациялык кеңешинде кызмат кылат жана Америкалык палатанын (AmCham) Менторлор клубунун, америкалык FLEX программасынын бүтүрүүчү уюмунун, Global UGRAD жана ACCESS программаларынын мүчөсү болуп саналат. Ошондой эле Айжан EdNet Билим берүүнүн сапатын камсыздоо агенттиги менен тыгыз кызматташтыкта БААУнун “​​Журналистика жана массалык коммуникациялар” факультети менен Ишкердик жана бизнести башкаруу мектебинин аккредитациядан өтүү процесстерин жетектеген. Ал Бүткүл дүйнөлүк саламаттыкты сактоо уюмунун (ВОЗ) тобокелдиктер менен байланышуу, коомчулуктун катышуусу жана инфодемияны башкаруу боюнча Техникалык консультациялык тобунун мүчөсү жана Дүйнөлүк саламаттыкты сактоо уюмунун Европа аймактык бюросунун мүчөсү болуп саналат.