Окутуучулар Сенаты

Окутуучулар Сенаты тууралуу

БААУнун Окутуучулар Сенаты университеттин Уставына негизделип түзүлгөн жана өз ыйгарым укуктарын ошол уставдан алат. Анын негизги милдети академиялык саясаттын бардык негизги маселелерин чечүү болуп саналат. Бул багытка окуу программаларын жаңылоо, изилдөөлөр, стандарттарды коюу, кызматтык көтөрүлүү, финансылык стратегия жана студенттердин интеллектуалдык жашоосу кирет.

Окутуучулар Сенатынын милдеттери төмөнкүлөрдү камтыйт:

• Университет президенти менен жаңы академиялык программаларды түзүү, бекитүү, баштоо же токтотуу маселелерин талкуулоо жана кеңеш берүү;
• Академиялык стандарттарды белгилөө боюнча президентке кеңеш берүү;
• Академиялык даража берүүчү программаларга кабыл алуу стандарттары боюнча президентке сунуш берүү жана кеңеш берүү;
• Ардактуу даражаларды жана академиялык наамдарды ыйгаруу боюнча президентке сунуш берүү;
• Университет Уставына ылайык иш алып баруучу процедураларды карап чыгып, иштеп чыгуу жана кабыл алуу;
• Университет жамааты үчүн кызыктуу болгон башка маселелер боюнча ачык талкууларды уюштуруу жана өз позициясын билдирүү;
• Сенаттын мүчөлөрүн тандоо процессин кошкондо бардык Сенат саясатын, эрежелерин жана жоболорун түзүү.

Окутуучулар Сенатынын курамы 16 мүчөдөн турат: 14 шайланган мүчө, Кесиптик кошуундан бир окутуучу өкүлү жана бир студенттик өкүл. Сенат мүчөлөрүнүн ыйгарым укук мөөнөтү эки жылды түзөт.