БААУнун каржылык колдоосу

11 ноября 2024

Борбордук Азиядагы Америкалык университети (БААУ) - Quacquarelli Symonds рейтингине ылайык, Кыргызстандын алдыңкы университети жана Борбордук Азиядагы мыкты окуу жайлардын бири. Бул жерде окуу - сапаттуу билимге умтулган көптөгөн жаштардын кыялы. Бирок БААУда билим алуу баарына эле жеткиликтүү эмес деген кеңири жайылган пикирге карабастан, биздин студенттердин 70% көбү жарым-жартылай же толук каржылык колдоо алып окушат.

БААУ академиялык ийгиликтерди, чыгармачыл жетишкендиктерди жана студенттин материалдык абалын эске алган арзандатуулардын ийкемдүү системасын сунуштайт. Биз каржылык мүмкүнчүлүктөрүнөн көз карандысыз түрдө жаңы чакырыктарга даяр жана өз дараметин ишке ашырууну каалагандардын баарына жардам берүүгө даярбыз. Каржылык колдоо алуу үчүн Кыргызстан менен катар КМШ өлкөлөрүнүн абитуриенттери менен студенттери өтүнмө бере алышат.

БААУда бакалавриат программалары боюнча акысыз бекер билим алуу төмөнкү шарттарды аткаруунун негизинде мүмкүн:

ЖРТнын Алтын сертификаты
Англис тили боюнча Республикалык олимпиадада I орун
Математика боюнча Республикалык олимпиадада I орун
Информатика боюнча Республикалык олимпиадада I орун
Математика боюнча Эл аралык олимпиадада I орун
Информатика боюнча Эл аралык олимпиадада I орун
БААУ уюштурган математика боюнча олимпиадада I орун
Эркин искусстволор жана илимдер факультетинин Европа таануу концентрациясына окууга тапшыруучулар арасында БААУда уюштурулган Victoria сынагында I орун
Кирүү сынактарында жогорку упай (Антропология жана Социология программалары үчүн гана)
Жыл сайын БААУда өтчү Brain ring же Stream сынактарында жеңишке жетишүү
БААУнун донорлорунун гранттык программалары: https://auca.kg/ru/donor_scholarships/

Ар бир программанын өз шарттары бар. Мүмкүнчүлүктөр тууралуу кенен маалыматтарды каржылык колдоонун баракчасынан же finaid@auca.kg электрондук дарегине кайрылуу менен алууга болот.

БААУда билим алуу кыялын колдон чыгарбаңыз - биз сиздин билимге жана жаңы ийгиликтерге умтулууңузду колдоо үчүн дайыма жаныңызда болобуз!